一百多年留下來嘅技術資料
深喜毛織本社保存大量歷年生地 sample。對佢哋嚟講，Cashmere 唔係一季產品，而係跨越世代累積返嚟嘅材料知識。
Hong Kong First · Made in Japan
Baby Cashmere
Sweatshirt
最好嘅 material，不應該收藏。
應該成日著。
HK$4,200日本製造 Made in Japan
登記訂購意向 最好嘅 material，不應該收藏。
應該成日著。
有啲 cashmere 很珍貴，但你會留待特別日子先著。我想做嘅，反而係另一種——用最好嘅 material，做衣櫃裏面最容易著嗰件衫。
外表係 sweatshirt，真正摸上手先知道，佢完全唔普通。呢件 Baby Cashmere Sweatshirt，係我與日本歷史悠久嘅 cashmere maker 深喜毛織合作製作嘅 special edition。版型乾淨、compact，細節卻做得很完整：V-shaped gusset、立體縫線、double rib collar、cuff 同 hem，全部都係令件衫近睇特別靚嘅地方。
深喜毛織官方資料指，Baby Cashmere 選自中國內蒙古東部、生後 6–12 個月 White Cashmere 子山羊嘅初生毛。每隻能取得嘅纖維約只有 40g，纖維細度約 13–14 micron。
我自己穿過普通 Cashmere，亦穿過 Baby Cashmere。最直接嘅差別係：Baby Cashmere 更輕、更柔軟，貼身感亦更細緻。呢件唔需要做得厚重，著上身已經有一種很輕、很柔和嘅暖。
舒服，但唔懶散。
Casual，但唔求其。
佢係 compact，但唔係緊身；肩膊有少少 relaxed feeling，胸身有舒服空間，但完全冇 oversized sweater 嗰種鬆垮感。
最重要係：唔需要攝衫。就咁放出嚟著，比例已經完成。牛仔褲、西褲、及膝短褲，甚至一條很散嘅長紗裙，都自然成立。呢件衫最奢侈嘅地方，唔係只可以「好好地著」，而係你根本唔需要就住佢著。
前後 V-shaped gusset。
保留 classic sweatshirt 嘅結構語言，但做法更細緻。
膊線與袖窿有 subtle seam。
柔軟 cashmere 因此多一點骨架，而唔會軟塌。
Double rib cuff。
圓潤、柔軟、有彈性，手伸入去會感受到厚度。
Double rib hem。
下擺有足夠份量，將輕身 body hold 住，silhouette 更乾淨。
內裡收口乾淨。
近距離摸到嘅 construction，係成件衫最容易被忽略、亦最漂亮嘅地方。
唔係接近黑色嘅死灰，亦唔係普通運動衫嗰種 light grey。Baby Cashmere 表面細緻嘅毛羽令顏色有一層柔和霧感，在日光、室內光同陰影之下自然有深淺。
配 denim 唔會太 formal；配黑色或灰色西褲，又完全見得人。
呢個版本目前日本市場尚未正式推出。FUKAKINET 預計到 2027年10月1日 先向日本客人正式介紹；香港今次先行以受注方式開放訂購。
本頁只收認真訂購意向，不會即時收款。當 S / M / L 三個尺碼合計達到 30 件，我們才會正式向日本落單生產，之後以電郵發送付款連結。
因為呢件衫背後唔只係一條好紗，而係一間由原料開始、將羊絨做到底嘅日本毛織廠。深喜毛織創業於 1887 年，1931 年已開始處理 Cashmere；直到今日，原料檢查、染色、混毛、紡紗、生地整理，以至針織製品，都有自己長年累積嘅 know-how。
深喜毛織創業。由日本毛織業發展初期一路做到今日，累積超過一世紀製造經驗。
處理 Cashmere 超過 90 年。原料由購入前到入庫都會反覆檢查纖維規格、不純物及損傷。
由原料、染色、混毛、紡紗到成品，保持高度一貫生產及 traceability。
深喜毛織本社保存大量歷年生地 sample。對佢哋嚟講，Cashmere 唔係一季產品，而係跨越世代累積返嚟嘅材料知識。
不同色纖維會先混合，再經 carding、紡紗與捻度控制。連一隻灰色都唔係單一染色，而係靠多種原料色混合出深度。
深喜毛織長年處理高級毛織物、生地、紡毛紗及 knit。對原料、紗支、密度、手感同 finishing 之間嘅關係，控制得遠比一般成衣加工完整。
針織製品會按 Cashmere 紗特性選擇合適 gauge、機種與編織規格；接合亦涉及需要高度熟練度嘅細緻工序。呢啲位未必第一眼見到，但著上身就會知道差別。
所以 HK$4,200 買嘅唔只係「一件灰色 Cashmere 上衣」。 你買緊嘅係 Baby Cashmere 本身嘅稀有度，加上一間由 19 世紀做到今日、真正識得處理高級動物纖維嘅日本工場，將 material、紗、編織、比例同 finishing 全部放喺同一件衫入面。